რა არის მარტივიCV

ავსებ ფორმას და გვერდითვე ხედავ, როგორ გამოიყურება მზა დოკუმენტი. როცა კმაყოფილი ხარ, ჩამოტვირთავ PDF-ად.

რეგისტრაცია, ანგარიში და პროგრამის დაყენება საჭირო არაა — საკმარისია ბრაუზერი. არც ხელოვნური ინტელექტია: ტექსტს თავად წერ, ჩვენ კი დალაგებაზე და ფორმატზე ვზრუნავთ.

ორი ფორმა, ორი განსხვავებული დოკუმენტი

ზოგადი CV ქართულადაა და გამოდგება სტუდენტისთვის, პირველი სამუშაოს მაძიებლისთვის და ყველასთვის, ვინც ქართულ ბაზარზე აკეთებს განაცხადს.

მეზღვაურის CV ინგლისურად იწერება, რადგან მას კრიუინგის მენეჯერი კითხულობს. მასში ცალკე განყოფილებებია დოკუმენტებისთვის, სერტიფიკატების ვადებისა და საზღვაო სტაჟისთვის — შემვსები ინტერფეისი კი ქართული რჩება.

რა ღირს

ფორმის შევსება და შედეგის ნახვა უფასოა — ლიმიტის, საცდელი ვადისა და ანგარიშის გარეშე. გადახდა მხოლოდ ჩამოტვირთვისთვისაა: 5 ₾, ერთჯერადად, ერთი CV-სთვის. ეს წვდომა 30 დღე მოქმედებს და ამ ხნის განმავლობაში დოკუმენტს რამდენჯერაც დაგჭირდება, იმდენჯერ ჩამოტვირთავ.

გადახდის შემდეგ იღებ შეკვეთის ნომერს. სხვა მოწყობილობაზე სწორედ ამ ნომრით აღადგენ წვდომას — ამიტომ ღირს მისი შენახვა.

სად ინახება შენი მონაცემები

CV-ის ტექსტი რჩება იმ ბრაუზერში, რომელშიც წერ. ჩვენს სერვერზე არ იგზავნება და ჩვენ ვერ ვკითხულობთ. გადახდას ამუშავებს საქართველოს ბანკი — ბარათის მონაცემები ჩვენამდე არ აღწევს.

ამას ერთი პრაქტიკული შედეგი აქვს: საერთო ან სამსახურის კომპიუტერზე მუშაობისას ნაწერი იმავე ბრაუზერში რჩება და სხვამაც შეიძლება ნახოს. დასრულების შემდეგ დააჭირე „ახალი CV“-ს.

რატომ აქვს ფორმატს მნიშვნელობა

ჩამოტვირთული ფაილი PDF-ია, რომელშიც ტექსტის მონიშვნა და დაკოპირება შესაძლებელია — არა სურათი. ეს იმიტომ, რომ ბევრი კომპანია CV-ს ჯერ ავტომატური სისტემით (ATS) კითხულობს, რომელსაც სურათი არ წაეკითხება. მარტივი, ერთსვეტიანი დოკუმენტი აქ უპირატესობაა, არა ნაკლი.

ხშირად დასმული კითხვები

გზამკვლევები

თუ კითხვა იმაზეა, რა ჩაწერო და არა როგორ იმუშაოს ფორმამ, სამი ტექსტია დაწერილი:

• პირველი CV სამუშაო გამოცდილების გარეშე
• მეზღვაურის CV: რა უნდა ეწეროს
• სერტიფიკატები და ვადების ხაფანგები

CV-ის შედგენა →