STCW სერტიფიკატები და CoC CV-ში
როგორ ჩავწეროთ CoC და STCW სერტიფიკატები ინგლისურენოვან CV-ში: რეგულაციის კოდები, ნომრები, გამცემი და ვადები.
სტატიები · ბოლოს განახლდა 15.11.2026
1. CoC და სხვა სერტიფიკატები
კომპეტენციის სერტიფიკატი (Certificate of Competency, CoC) თქვენს კვალიფიკაციას ადასტურებს. CV-ში ის კვალიფიკაციის ნაწილში (Competency & Endorsements) იწერება, დროშის სახელმწიფოს დადასტურებასთან (endorsement) ერთად, თუ გაქვთ.
მომზადების სერტიფიკატები (Certificates of Proficiency) და სხვა კურსები STCW სერტიფიკატების ნაწილში (STCW & Other Certificates) ჩამოთვალეთ.
2. როგორ ჩავწეროთ ერთი სერტიფიკატი
- სახელი ინგლისურად, როგორც სერტიფიკატზე წერია, და რეგულაციის კოდი ფრჩხილებში: Basic Safety Training (VI/1).
- ნომერი, ზუსტად ორიგინალის მიხედვით.
- გამცემი: სასწავლო ცენტრი ან საზღვაო ადმინისტრაცია, მაგალითად MTA Georgia.
- გაცემის თარიღი და ვადა. უვადო სერტიფიკატს Indefinite მიუთითეთ.
3. რომელი CoC რომელ პოზიციას
ოფიცრის CoC-ს სახელი პოზიციას არ იმეორებს: მესამე და მეორე თანაშემწე ერთსა და იმავე CoC-ს ფლობენ, უფროს თანაშემწეს კი Chief Mate-ის CoC აქვს. CV-ში ჩაწერეთ ის სახელი და კოდი, რომელიც თქვენს CoC-ზე წერია.
| პოზიცია | CoC |
|---|---|
| Master | Master (II/2) |
| Chief Officer | Chief Mate (II/2) |
| Second Officer | Officer in charge of a navigational watch (II/1) |
| Third Officer | Officer in charge of a navigational watch (II/1) |
| Chief Engineer | Chief Engineer (III/2) |
| Second Engineer | Second Engineer (III/2) |
| Third Engineer | Officer in charge of an engineering watch (III/1) |
| Fourth Engineer | Officer in charge of an engineering watch (III/1) |
| ETO | Electro-technical officer (III/6) |
მცირე გემებისთვის გაცემულ CoC-ს შეზღუდვა ახლავს, მაგალითად less than 3000 GT ან 750-3000 kW. ასეთი შეზღუდვა სახელთან ერთად ჩაწერეთ, როგორც დოკუმენტზეა.
რიგითებს CoC არ სჭირდებათ. მათი სერტიფიკატი, მაგალითად Able Seafarer Deck (II/5) ან Rating Forming Part of an Engineering Watch (III/4), CV-ში კვალიფიკაციის ნაწილშიც შეიძლება ჩაიწეროს.
4. ხშირად მოთხოვნილი სერტიფიკატები
STCW-ის ძირითადი მოთხოვნები, რომლებსაც martiviCV-ის შენიშვნებიც ეყრდნობა. ცხრილში ჩანს, რას ითხოვს პოზიცია ან გემის ტიპი ყველა მეზღვაურის სერტიფიკატების გარდა. გემბანის ოფიცრებს ოფიცრების სერტიფიკატებიც სჭირდებათ, კაპიტანსა და უფროს თანაშემწეს კი Medical First Aid-ის ნაცვლად Medical Care.
| ვის | რა სერტიფიკატი |
|---|---|
| ყველა მეზღვაური |
|
| ოფიცრები |
|
| გემბანის ოფიცრები |
|
| კაპიტანი და უფროსი თანაშემწე |
|
| Able Seaman |
|
| Oiler და Motorman |
|
| მზარეული |
|
| ნავთობისა და ქიმიური ტანკერები |
|
| გაზმზიდები (LNG, LPG) |
|
| სამგზავრო გემები და ბორნები |
|
რომელი სერტიფიკატია საჭირო, პოზიციაზე, გემის ტიპსა და დროშაზეა დამოკიდებული. საბოლოო ჩამონათვალი სააგენტოსთან ან დამსაქმებელთან გადაამოწმეთ.
5. ვადები
STCW სერტიფიკატებს მიმდინარეობის სამი წესი აქვს. CoC და ზოგიერთი სხვა სერტიფიკატი ხუთ წელიწადში ერთხელ ახლდება (revalidation): ზღვაზე ნამუშევარი დროით ან კურსით. უსაფრთხოების და ტანკერის კურსებს ხუთ წელიწადში ერთხელ განმეორებითი კურსი (refresher) სჭირდება. დანარჩენებს STCW ვადას არ უწესებს.
| როგორ ახლდება | სერტიფიკატები |
|---|---|
| ხუთ წელიწადში ერთხელ (revalidation) |
|
| ხუთ წელიწადში ერთხელ (refresher) |
|
| STCW ვადას არ ადგენს |
|
ზოგი დროშა, კომპანია ან სასწავლო ცენტრი უფრო ხშირ განახლებას ითხოვს, ამიტომ CV-ში ყოველთვის ის ვადა მიუთითეთ, რომელიც სერტიფიკატზე წერია.
martiviCV გაგაფრთხილებთ, თუ სერტიფიკატის ვადა გასულია, 90 დღეში იწურება ან კონტრაქტის ბოლომდე შეიძლება არ ეყოს, და შეგახსენებთ, თუ თქვენი პოზიციისთვის საჭირო სერტიფიკატი არ ჩანს. გაფრთხილებები PDF-ში არ იბეჭდება და პროფესიულ შემოწმებას არ ცვლის. დაწვრილებით: მეზღვაურის CV-ის შემოწმება გაგზავნამდე.
6. სახელი და კოდი ერთად
სერტიფიკატს მისი სახელი განსაზღვრავს, კოდი კი მას უნდა შეესაბამებოდეს: Advanced Fire Fighting-ს VI/3 აქვს, Medical First Aid-ს VI/4-1. სხვა სერტიფიკატის კოდი ხშირი შეცდომაა, მაგალითად ყველა კურსთან VI/1-ის მიწერა.
ზოგ კურსს, მაგალითად ECDIS-ს ან Radar / ARPA-ს, საკუთარი კოდი არ აქვს. დოკუმენტზე შეიძლება ეწეროს CoC-ის ცხრილი, რომლისთვისაც კურსი ისწავლება (ECDIS: II/1). ასეთი კოდი CV-ში შეგიძლიათ დატოვოთ.
სხვა სერტიფიკატის კოდს martiviCV შეამჩნევს: გეტყვით, რომ კოდი ამ სერტიფიკატისთვის უჩვეულოა, და გთხოვთ, შეადაროთ დოკუმენტს. CV-ში ის დატოვეთ, რაც სერტიფიკატზე წერია.
წყაროები: IMO: STCW კონვენცია, საზღვაო ტრანსპორტის სააგენტო.
CV-ის შექმნა